Raak Betrokke
GEBED EN INTERSESSIE
Gebed is die belangrikste aspek van enige Gemeente. Deo Kerk wil graag sien dat elke gelowige persoonlik sal bid, maar ook betrokke is by een van ons byeenkomste waar daar vir die gemeente, leiers, stad, ons land en ook vir die nasies ingetreë word deur gebed.
Bo en behalwe die feit dat ons bedieningspanne saam bid wanneer hulle byemekaar kom, het ons die volgende geleenthede waar jy saam met ons kan bid:
Woensdae – Manne – 05:30 tot 06:00
Elke Sondag voor ons byeenkomste vanaf 07:30 to 08:30, en 10:00 tot 10:30 in die Voorbiddingsaal.
Ons het ook geleentheid vir gebed by verskeie DeoCircle-byeenkomste gedurende die week.
Kontak Ons vir meer inligting en kom bid asseblief saam met ons!
MUSIEK
God die Vader wil hê dat sy kinders Hom in Gees en in waarheid moet aanbid. By Deo Kerk heg ons groot aan aanbidding, en ons gedurig besig om hierdie bediening te ontwikkel sodat almal by die Deo Familie ‘n dieper lewe van aanbidding kan beleef.
Indien jy belangstel om deel te wees van die Aanbiddingspan of enige ander bediening in die kreatiewe kunste, is jy welkom om met Maryna Badenhorst te maak deur die skakel hieronder.
MEDIA
Ons leef in die era van Audio en Visuele Tegnologie, media en grafika. Dit het ontwikkel tot ‘n baie kragtige medium van kommunikasie in die hele wêreld, en ons verstaan dat die Kerk ‘n groot impak kan maak in die wêreld deur media aan te wend om die Goeie Nuus van die Evangelie te versprei.
By Deo Kerk is ons gedurig besig om hierdie medium te ontwikkel, sodat ons ‘n groter impak kan maak, en meer mense kan bereik. Jy moet dit oorweeg om die Liggaam van Jesus vrywillig te dien deur te help met klank, video, IT hardeware, fotografie, opnames, redigering, advertensies, web en grafiese ontwerp.
Kontak gerus vir Maryna Badenhorst indien jy betrokke wil raak.
GASVRYHEID BEDIENINGE
Een van ons primêre waardes is om altyd vriendelik en beleefd te wees, sodat mense tuis voel by die Deo familie. Ons glo elke persoon behoort welkom te voel by ons.
Deur te dien by een van ons Gasvryheids bedieninge, maak mense ‘n baie groot verskil in die lewens van ander mense. ons bied vir jou geleentheid om te dien in die Liggaam van Christus deur te help as ‘n groeter in een van die portale, te help in die koffiewinkel, mense te begelei na sitplekke, of by die ontvangstoonbank te help.
Kontak net die Kantoor, en ons vriendelike personeel sal vir jou meer inligting kan gee.
Geleenthede om te Dien
Mense is baie keer onder die indruk dat hulle hoogs kundig moet wees om te kan dien in die Liggaam van Christus. Hierdie is ‘n groot mite, want die Grootste Leier wat nog ooit geleef het, was Jesus Christus self. Jesus was in sy hele wese ‘n DIENSKNEG. Hy het selfs sy dissipels gedien op verskillende maniere, en net so moet elke gelowige ook kan dien.
Jy het nie vaardighede nodig om vir die Here iets te kan doen nie, daarom is dit moontlik vir almal te dien by die Deo Kerk Familie. Jy kan ‘n assistent wees wees by DeoKidz, die Koffiewinkel, spesiale byeenkomste, begrafnisse, nagmaal, Sondag byeenkomste en nog meer. Of jy kan net hande met ons vat en gereeld saam met ons bid.
Kontak gerus die Bedieningsdirekteur van die bediening waar jy belangstel om te dien.
Next Gen Bedieninge
Jy het ook ‘n geleentheid om te kan bedien by een van ons bedieninge vir kinders en jongmense. Ons het plek by DeoKidz, SHIFT Tieners en die “Young Adults”.
Hierdie is spesialis bedienge en Deo Kerk maak seker hierdie spanne word gereeld toegerus en selfs weer opgelei indien nodig. Maar ons het ook assistente, toesigheouers en helpers nodig wat ons kan bystaan met organisering, voorbereiding van klasse, administrasie, aankope ens.
Moet asseblief nie huiwer aan te meld en ons te kom bystaan met hierdie belangrike bedieninge nie. Kontak gerus die Kerkkantoor, vir meer inligting.
Fasiliteerder Opleiding
By Deo Kerk heg ons groot waarde aan ons DeoCircle Fasiliteerders. Ons het ‘n spesiale opleidingsprogram vir ons Fasiliteerders, waartydens ons hulle toerus en bemagtig sodat hulle hul DeoCircles met selfvertroue en uitnemendheid kan fasiliteer. Ons het twee keer per jaar DeoCircle Opleiding, waar ons die Fasiliteerders op ‘n naweek toerusting vat, en hulle persoonlik toerus en bedien. Ons hou daarvan om mense te bemagtig!
Bid asseblief daaroor en oorweeg dit om ‘n DeoCircle Fasiliteerder by die Deo Kerk Familie te word. Indien jy belangstel, kan jy die kantoor kontak vir verdere inligting.
DeoCircle Fasiliteerder
Ons visie vir Deo Kerk is 100 DeoCircles in Newcastle. Ja, jy het reg gehoor! Die Kerk funksioneer op sy beste wanneer ons begin ‘KERK WEES’, en ‘n effektiewe Kerk is een wat tussen die mense van die stad beweeg. Die krag van effektiewe DeoCircles is enorm!
Dit is regtig nie moeilik om ‘n DeoCircle te fasiliteer nie. Ons gebruik die term “Fasiliteer” omdat dit is wat ons van ons DeoCircle Fasiliteerders verwag. Ons is gedurig besig om aan ons model vir DeoCircle te werk, om dit makliker te maak vir mense om DeoCircles te begin. Ons lei ons Fasiliteerders op, en ons gee vir hulle ook pakette met DVD lesse wat vir die DeoCircle ontwikkel is. Die Groepleier fasiliteer die byeenkoms, en sodoende groei die Fasiliteerder saam met die groep.
Ons vra jou om dit asseblief te oorweeg om die opleiding te doen om ‘n DeoCirlce Fasiliteerder te kan wees, en sodoende saam die droom van 100 DeoCircles in ons Stad te plant.
Kontak gerus die Kerkkantoor, vir meer inligting.
Kontak gerus die Kerkkantoor, vir meer inligting.